Bestur

Alveg er mér sama hvort fimmta markið er Ívari að kenna eður ei, mistök henda og þar sem Ívar hefur spilað hverja einustu mínútu í hverjum einasta leik með félagsliði sínu í erfiðustu deild heims, skyldi engan undra að kappinn væri orðinn svolítið þreyttur. 

Það hefur enginn íslenskur fótboltamaður spilað meira en hann í vetur og engum hefur verið treyst betur því hann hefur verið fyrirliði Reading oft á tíðum.

Ekki skortir hann kjark eða þor og hjartað er á réttum stað.  Þess vegna fyrirgefum við honum mistök nú.

Ívar Ingimarsson, varnarmaður Íslands, tekur á sig sökina af þremur af fimm mörkum Svía